Ritningarvers

1. ,,Allt sem þér viljið að aðrir menn geri yður, það skuluð þér og þeim gera.“ Matt.7:12 (Gullna reglan.)

2. ,,Sælir eru hjartahreinir því þeir munu Guð sjá.“ Matt. 5:8.

3. ,,Því svo elskaði Guð heiminn að hann gaf einkason sinn til þess að hver sem á hann trúir glatist ekki heldur hafi eilíft líf.“ Jóh. 3:16. (Litla biblían.)

4. ,,Vísa mér veg þinn Drottinn, að ég gangi í sannleika þínum, gef mér heilt hjarta, að ég tigni nafn þitt.” Sl. 86:11

5. ,,Drottinn, Guð vor, hversu dýrlegt er nafn þitt um alla jörðina.“ Sl. 8:10

6. ,,Sælir eru hógværir, því þeir munu jörðina erfa.” Matt. 5:5

7. ,,Ef þér elskið mig munuð þér halda boðorð mín.“ Jóh. 14:15

8. ,,Fel Drottni vegu þína og treyst honum, hann mun vel fyrir sjá.“ Sl. 37:5

9. ,,Elskið óvini yðar og biðjið fyrir þeim sem ofsækja yður.“ Matt. 5:44

10. ,,Ég er ljós heimsins. Sá sem fylgir mér mun ekki ganga í myrkri heldur hafa ljós lífsins.“ Jóh. 8:12.

11. ,,Hinn örláta munu menn blessa því að hann gefur hinum fátæka af brauði sínu.“
Ok. 22:9

12. “Varðveit hjarta þitt framar öllu öðru því að þar eru uppsprettur lífsins.” Ok. 4:23.

13. “Guð er kærleikur og sá sem er stöðugur í kærleikanum er stöðugur í Guði og Guð er stöðugur í honum.” 1. Jh. 4:16

14. ,,Drottinn er minn hirðir, mig mun ekkert bresta.“ Sl. 23:1

15. ,,Sælir eru þeir sem heyra Guðs orð og varðveita það.“ Lúk. 11:28

16. ,,Verið með sama hugarfari og Jesús Kristur var.“ Fil. 2:5

17. “Frið læt ég yður eftir, minn frið gef ég yður. Ekki gef ég yður eins og heimurinn gefur. Hjarta yðar skelfist ekki né hræðist.” Jóh. 14:27.

18. ,,Einn er Drottinn, ein trú, ein skírn, einn Guð og faðir allra, sem er yfir öllum, með öllum og í öllum.” Ef. 4:5-6.

19. “Framar ber að hlýða Guði en mönnum.” Post. 5:29.

20. “Þitt orð er lampi fóta minna og ljós á vegum mínum.” Sl. 119:105

21. ,,Allt vald er mér gefið á himni og jörðu. Farið því og gerið allar þjóðir að lærisveinum, skírið þá í nafni föður og sonar og heilags anda, og kennið þeim að halda allt það sem ég hefi boðið yður. Sjá, ég er með yður alla daga allt til enda veraldar.” Matt. 28:18-20 (Skírnarskipunin.)

22. “Sérhver góð gjöf og sérhver fullkomin gáfa er ofan að, frá föður ljósanna. Hjá honum er engin umbreyting né flöktandi skuggar.” Jak. 1:17

23. “Sælir eru þeir sem hafa ekki séð og trúa þó.” Jóh. 20:29b

24. “Lát engan líta smáum augum á æsku þína en ver fyrirmynd trúaðra í orði og hegðun, í kærleika, trú og hreinlífi.” 1. Tim. 4:12.

25. “Elska skalt þú Drottin, Guð þinn, af öllu hjarta þínu, allri sálu þinni og öllum huga þínum. Þetta er hið æðsta og fremsta boðorð. Annað er hliðstætt þessu: Þú skalt elska náunga þinn eins og sjálfan þig.“ Matt. 22:37-39.

26. “Elska skalt þú Drottin, Guð þinn, af öllu hjarta þínu, allri sálu þinni, öllum mætti þínum og öllum huga þínum og náunga þinn eins og sjálfan þig.” Lúk. 10:27

27. “Verið ávallt glöð í Drottni. Ég segi aftur: Verið glöð.” Fil. 4:4.

28. “Ég er vegurinn, sannleikurinn og lífið. Enginn kemur til föðurins, nema fyrir mig.” Jóh. 14:6

29. “Lát ekki hið illa sigra þig en sigra þú illt með góðu.” Róm. 12:21

30. “Þið hafið tekið á móti Kristi, Drottni Jesú. Lifið því í honum.” Kól. 2:6

31. “Verið miskunnsöm eins og faðir yðar er miskunnsamur.” Lúk 6:36

32. “Fel Drottni verk þín og þá bera áform þín árangur.”Ok. 16:3.

33. “Verið þér því fullkomin, eins og faðir yðar himneskur er fullkominn.” Matt. 5:48.

34. “Eins og hindin þráir vatnslindir þráir sál mín þig, ó Guð.” Sl. 42:2

35. “Þótt ég fari um dimman dal óttast ég ekkert illt því að þú ert hjá mér, sproti þinn og stafur hugga mig.” Sl. 23:4

36. “Því að ekkert höfum við inn í heiminn flutt og ekki getum við heldur flutt neitt út þaðan.” 1. Tim. 6:7

37. “Vísa mér veg þinn, Drottinn, að ég gangi í sannleika þínum, gef mér heilt hjarta, að ég tigni nafn þitt.” Sl. 86:11

38. “Með hverju getur ungur maður haldið vegi sínum hreinum? Með því að gefa gaum að orði þínu.” Sl. 119:9

39. “Fagnið með fagnendum, grátið með grátendum.” Róm. 12:15.

40. “Blessun Drottins auðgar og erfiði mannsins bætir engu við hana.” Ok. 10:22.

41. Jesús sagði: “Ef þú getur! Sá getur allt sem trúir.” Mark. 9:23

42. “En ávöxtur andans er: kærleiki, gleði, friður, langlyndi, gæska, góðvild, trúmennska.” Gal. 5:22

43. “Ég er upprisan og lífið. Sá sem trúir á mig mun lifa þótt hann deyi.” Jóh. 11:25

44. “Þeim, sem Guð elska, samverkar allt til góðs,….” Róm. 8:28

45. “Þótt ég talaði tungum manna og engla en hefði ekki kærleika væri ég hljómandi málmur eða hvellandi bjalla.” 1. Kór. 13:1

46. “Kærleikurinn er langlyndur, hann er góðviljaður. Kærleikurinn öfundar ekki. Kærleikurinn er ekki raupsamur, hreykir sér ekki upp.” 1. Kór. 13:4

47. “Kærleikurinn fellur aldrei úr gildi. En spádómsgáfur, þær munu líða undir lok, og tungur, þær munu þagna, og þekking, hún mun líða undir lok.” 1. Kór. 13:8

48. “En nú varir trú, von og kærleikur, þetta þrennt, en þeirra er kærleikurinn mestur.
1. Kór. 13:13

49. “Frið læt ég yður eftir, minn frið gef ég yður. Ekki gef ég yður eins og heimurinn gefur. Hjarta yðar skelfist ekki né hræðist.” Jóh. 14:27.

50. “Góður maður ber gott fram úr góðum sjóði hjarta síns en vondur maður ber vont fram úr vondum sjóði. Af gnægð hjartans mælir munnur hans.” Lúk. 6:45.

51. “Guð er andi og þeir sem tilbiðja hann eiga að tilbiðja í anda og sannleika.” Jóh. 4:24

52. “Ég hef gefið yður eftirdæmi að þér breytið eins og ég breytti við yður.” Jóh. 13:15

53. “Á því munu allir þekkja að þér eruð mínir lærisveinar ef þér berið elsku hver til annars.” Jóh. 13:35

54. “Ég hef elskað yður eins og faðirinn hefur elskað mig. Verið stöðug í elsku minni.” Jóh. 15:9

55. “Þetta er mitt boðorð, að þér elskið hvert annað, eins og ég hef elskað yður.”
Jóh. 15:12

56. “Hafið andstyggð á hinu vonda en haldið fast við hið góða.” Róm. 12:9

57. “Verið ekki hálfvolg í áhuganum, verið brennandi í andanum. Þjónið Drottni.”
Róm. 12:11

58. “Verið glöð í voninni, þolinmóð í þjáningunni, staðföst í bæninni.” Róm. 12:12

59. “Að endingu, systkin, allt sem er satt, allt sem er göfugt, rétt og hreint, allt sem er elskuvert og gott afspurnar, hvað sem er dyggð og hvað sem er lofsvert, hugfestið það.” Fil. 4:8

60. “Vanræktu ekki náðargjöfina sem þér var gefin að tilvísun spámanna og með handayfirlagningu öldunganna.” 1Tm. 4:14

61. “Minnist leiðtoga ykkar sem Guðs orð hafa til ykkar talað.” Heb. 13:7

62. “En gleymið ekki velgjörðaseminni og hjálpseminni því að slíkar fórnir eru Guði þóknanlegar.” Heb. 13:16

63. “…helgið Krist sem Drottin í hjörtum ykkar.” 1Pt. 3:15

64. ,,Gleymið ekki gestrisninni því að vegna hennar hafa sumir hýst engla án þess að vita.“ Heb. 13:2.